طير آنه بمحبتك ... بـقـلـمـي

السلام عليكم

أحبتي اليوم أضع بين أيديكم قصيدتي المتواضعه
وأحببت الدخول في جو القصيدة بدارمي والخروج منها
بدارمي آخر
تجربة لأول مرة أدخل وأخرج من قصيدة بهذه الطريقة
أتمنا أن تنال اعجابكم

مدخل

ماچنت اضن اتخون گلب اليحبك
لو أدري بيك اتخون چا ماعشگتك

...

گلي بدون عيني شلون دتنام
هم سهران تبقه بذكري صاحي
لو عايش دفو وي غير انسان
وتقصقص تضل حتى الصباحي
ويگلك حبيبي وياي أبد متنام
واذا نايم أصحيك بصياحي
لو نايم حضرتك وتشخر بليل
وآنه الليل أخلصنَّه بنــياحي
انه لوحدي صرت باحزاني ضليت
سلبت الراحه مني وياها أفراحي
طير آنه بمحبتك ماطرت لليوم
أطير شلون يمگصگص جناحي
وجراحي كلها اتصير منك
يالطبعك ملح هيج جراحي

مخرج

روح انته والعباس ماتنفع وياي
فوگ آنه ما غرگان اتغطني بالماي

بقلمي

كل الشكر والامتنان على روعهـ بوحـكـ ..

وروعهـ مانــثرت .. وجماليهـ طرحكـ ..

دائما متميز في الانتقاء

كلمات جدا رائعه
شكرا ننتظر المزيد

كلمات رائعه جدا
شكرا على بوح مشاعرك