... انه عراقي
والله انه اقسم قسم.................اسمه عله جبيني انرسم
ــــــــــــــــــــــــــــــــــــ
ابروحي والاحساس..من جدمي حد للراس...عاشك لحيدر
والعاشك اشيشفيه..بس ولفه ايداويــــه..بحبــه تأثر
متهمني الاخطار ..............انه عراقي
لوصحت ياكرار...............انه عراقي
للخط ميحتاج القلـم....................اسمه عله اجبيني انرسم
ــــــــــــــــــــــــــــــــــــ
والله القلم يحتار..ابحيدر علي الكرار...اشيكتب قصيده
تتحير الجلمات..متوفــي بالغايات..عــن الصميده
اصرخ واصيح ابصوت.......انه عراقي
لاما يهمنـــي الموت......انه عراقي
ميهمني دهري اشما حكم.................اسمه عله اجبيني انرسم
ـــــــــــــــــــــــــــــــــــ
مااسمع اليحجون ..لو رافضي ايكولون..لامايهمنــي
شيعي واضل للدوم..ابحب الوصي مفطوم.. حبه ملكني
للمرتضى ماعوف.......انه عراقي
ميهزني والله الخوف....انه عراقي
خل عاذلي ايعيش ابوهم .................اسمه عله اجبيني انرسم
ـــــــــــــــــــــــــــــــــــ
لدلالي من اتشوف..مكتوبه بيه احروف..حيدر يكرار
بالدم صبح مجراه..اسمه يدور اوياه..وبمهجتي الدار
عهدي كتبته اوياه......انه عراقي
للموت ما انساه.....انــه عراقي
للمرتضى جلمة نعم.......اسمه عله اجبيني انرسم
ــــــــــــــــــــــــــــــــــــاشما تكتب الاقلام..اشما رفعو امن اعلام..هالرايه رافع
راية وفه وايمان..ابروحي والوجدان..حيدر ابايـــع
حر ويه هالاحرار.........انه عراقي
وي صرخة الثوار..........انه عراقي
بجفوفي رافع هالعلم ..............اسمه عله جبيني انرسم
الرئيسية 
