عليـــــــــــه ايام ودك مرن بساع
وأجتني أيام صدك شايلة سيوف
وأنه بطرك القلم ظليت بجفاك
تموت حروف يمي وتطلع حروف
أنه الجانت عيوني معودة عليك
وغيرك عالارض ماجانت تشوف
وهسه عليك ظلت تنشد الليل
وصفت تركض وراك بكل الطيوف
بقت تحفر بخدي دموع الفراك
بحيث بخدي كامت تطلع كهوف
تراب الجوه الرجلي يريدني الكاك
لان بيه جمر دمعي بحركة مديوف
نرسم عطر الرسايل عالحياطين
ثكيل وما اظن تكدرله الضروف
شلمن ؟؟ ذكرياتك كلش هوااي
اذا ماجيت ودلي مبارك رفوف
ضوه الكمرة بغايبك لون مابيه
لان بعدك صبغته بصبغة الاوف
بدخان الجكارة اتخيلك جاي
وعليها الهالسبب ظل صدري ملهوف
ولإن ليهسه ايدك بيدي تنشاف
كمت الليل اخلصه بشم الجفوف
بأمان الناس تكعد يمي وتنام
وانه بنص اذاني يكبر الخووف
وردة بعيني الك بس تكطع تموت
مرني الخاطري وسو بيه معروف
أحلامك بالجفن جانن معازيب
الهجر مارحم بيه وعدهن ضيوف
طفت عيني بغيابك وانحنه الباب
لان بيتي بضحكتك جان مسكوف
أنه بعازة قميصك وده الي بساع
بلكت من أشمه يعودلي الشوف
الرئيسية 
