الأم العراقية_الشاعر علي الغزي

الشاعر علي الغزي








جـــدول عــذوبـــه أمــــــي وحـــظــن دافــي

وهـــيــل دلــة يـفـوح ويـطـيّـب الـدواويــيــن


وطـبـعـها طبع نـخــل الـجــنـوب وطيب أهله

خـيــر دجــله إيـفـيــــض ويــشبـع الـجـواريـــن

وشـــيــلــة أمــنـة بــــســــمــوم الــگــيـــظ

خــيــمـة تــصــيــر وتــغـطــي الــمـساكـــيــن


أمــنـة هموم شالت من زغـرنه لهذا اليوم

عــفــه گــلـبـچ يــيــمــه شـگـد تـصـبـريــن


وأبــد مــن الــتـعــب مــا گالــت إلــنه أحاه

ولــچــمــات الــوكـت بــالــخــد نـيـاشـيـــن

تــكــابــر عالجـــرح وإذا تضحك گــاع الــبـور

واحــــه تــصــيــر وتــخــضــر ريــاحـيــن


وبصوت أمي جرح بلبل لو غنت دلل لويل ولد يبني

حــزيـن الصوت يمه يــبـچـي المـيتـيـن


حـزنـها ســومــري مكــتـوب بـســلالــة أور

ورغـم الحزن تفرح إذا شافتنه فـرحـانــيــن


وإذا جاها شهر نيسان فـــرحـانــه بحصادة

ومن حزنها السنابل بـديـهـا وچـفـهـا ذبـلانـيــن


وطـيــبــتــهــا طـبـع نــخــلـة بشهر تموز

يطش الثمر فرحه بحظن بستان ويــفرح البساتـيــن


وإذا طل الفجر يشع نور الوجــه بالـبـیـت

وتـكــبـر للـصــلاة بصوت المأذنـيــن


وتــعــلــمـنـه الـفروض وطـاعـة الرحمن

وتعلمنه أعله حب أرض الـوطـن والـديــن


وإذا رفعت أديها ودعت يا الله لم شمل العراق

بدعواها تهيج الروح وتگطع الشرايين


وإذا سالت دمعها چن شط العرب یبچي

ومثل دجله وفرات عيونها النهـريــــن


وإذا شبكت أصابعها چن هور العمارة وگصب ذي قار

وسدرة البصرة بديها وچفها متلاگيــن



وتسـگـيـنـه الــوفــا و ياه حـفـنـه هـمـوم

وصفاوة روح من طبع أمنه متعلمـيــن


وترضـعـنـه هـمـوم أمـنــة بـحـلاوة روح

ومـن هـمـچ يـيـمه گلوبنه مشيـبـيـن


أمنه بكل بقعة أرض موجود إلها أوصاف فزعتها الجنوب

وعزتها الرمادي وصبرها الموصل وحمریـن


ولبستها السواد وأحنه أرض السواد يعني أمنه الوطن

وحظنها الهور وفـرات ودجلة الچفـيــن


ونخوتها بكربلا وبالكوفة تنادي أحرسوه الوطن

يولادي النشامة بسيف أبو الحسـنـيــن


وتگول حسين ما مات دمه يفور وقضيته العراق

أوینه اللي تعلم من قضية إحــسـيـــن؟؟؟

كلمااااااااااااات رائعه وانت اروع
عاشت الايادي

تسلم ايدك


شكرا

تحياتي

من أنفاس لا تهدأ .. يبدأ الحديث وحين يعلم أنه إليكِ ..يلبس حلة القصيد .. وصوت النغم إليك أكتب .. واصابعي ترقص على لوحة المفاتيح تعلم انها تكتب لك ..إليك أكتب ..فلا تتركي القلم يتعذب ...أعجبتني من أجلك سأحضر
القمـــر على كفي وسأزرع الورد على خــــــــدي سأهديك طفولتـــــــي وأرقيك بشبابــــي.كذاك كان موضوعك لكـ خالص احترامي

[color:de5e=#f00]

مبدع دائما بمواضيعك
وأشد على يديك لهذا الابداع

لذي هز أركان المكان

واضع لكي باقة وردي لشخصك