بعد ان سرقت الشمس السوداء هلال عيدي
جائني ذلك الهلال سائلا : كم من الجروح زرعت فيك؟
فأجبته : خلهن مو وكتهن خاطر احجيهن
يجيني الليل واكعد وانفرد بيهن
وافتح بابهن فتحة جناح الطير
واراويك جروحي الما مراويهن
جروح ابابهن قوس وحضن نشاب
ويرشكني عله طولي منين ماجيهن
هجرانك جدم وجروحي واحة طين
تضيك بطونهن ويعرضن كفيهن
ومن كتلك ادعيلي ادعيلي جروح كلبي كبار
اتذكر كلتلي الله يخليهن
جا بالجذب كتلي الله يشافيهن
ولا تنشدني عنهن كلشي مابيهن
حمر من نار هجرك والسهر بليل
بس انت العيونك مادري شبيهن
جفل غصن العيون وطار منها النوم
وبجيت مصالة المخ وي بواجيهن
انا عيوني امهات وفاكدات اولاد
وخافن ذلتي وما ذبن عبيهن
من اخر نجم ضك بلهات النور
ولحد موت الشمس وعبيهن عليهن
ويجيني اليل واكعد وانفرد بيهن
وافتح بابهن فتحت جناح الطير
واراويك جروح الما مراويهن
بساتينك زهن بس شلي بيهن
كون غيري يشم وردهن وانه الاسكيهن
حرام الماي يلعب يم شفاف الشوك
وجروف العطش يبس جلاويهن
انا انطيتك سنيني بشحة الساعات
و وصيتك عليهن موش تنطيهن !!
جا عرضن عيوني كبالك ورديت
شلون سنين عمري لغيري تهديهن
وانا سنيني شموع الفوك منهن نار
تنزف روسهن وتضيع رجليهن
....................................
الشاعر : عباس العبادي
الرئيسية 
